للبنات اللي ما نفع معاهم القسمة والنصيب والانتظار

لكلام هذا للبنات اللي مانفع معهم الانتظار والقسمه والنصيب
يله نبدأ المعركه :

الى كل بنت ناشبة في حلق أهلها وماتصرفت

مع انهم حاطين معها أختها مجانا (لترويج البضاعة المتحرجمة في البيت )

اليك عصارة راسي وبنات أفكاري أضعها بين يديك

كيف تصطادين شاب دون اللجوء للأساليب المعهودة والسقيمة

(المغازل ، الترقيم،التميلح اللي ماله سنع،الترزز بالاسواق .الخ )

لاجابة على هذا السؤال اليك مايلي :

أهم نقطة :نشني على العجوز اللي حاطة عينك على ولدها ثمن نفذي مايلي :

1- خليك مع أمك لاتروحين مع البنات وتهيبلين اصبري عنهن كم شهر لين تتم العملية

2- امشي وانتي حاطة راسك بين كتوفك لاترفعينه أبدا حتى لو يصير كله صعارير
(خلي الفكس دائما في متناول اليد ) علشان يقولون مؤدبة ومب متكبرة .

3- كلمة خالة خليها على لسانك وخاصة لأم الولد علشان تحس بنوع من التميز عن بقية العجز .

لامانع تنادين وحدة ثانية بخالة علشان إذا مانجحت الخطة مع العجوز تنجح مع العجوز الثانية اتبعيها
كخطة احتياطية (يعني استبنة )

4- إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل
(كثر الطق يكسر الحديد) أدري إن المثل ماله داعي بس مالقيت غيره

5- اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم
كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك

6- مهما أكلت أمك من أكلة زينة خليها تقول :نفس الاكله اللي تسويها بنتي
(حتى لو الاكل من المطعم الصيني أو المكسيكي )

7- اذا جيتي بتمدين ايدك جعلها الكسر اعبطي خشتك وتويجعي
(مب قوة علشان مايقولون جوارة)

وخلي أمك تقول :قايلة لك وأنا أمك لاتنظفين جدران البيت الخارجية بس أنتي الله يهديك ذابحتك
النظافة (جعلي ماأبكيك أجل بتنظفين جدران البيت نظفي غرفتك أول اللي تقولين ثايرة فيها قنبلة ذرية )

8- دايم ارتزي كأنك بالعة قصبة علشان ماينقص من طولك ولا سنتيمتر (للقصيرات)

9- اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي
ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق؟؟؟؟؟؟؟؟
10- مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة

11- شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون
الا اللي شعورهن ناعمة والا ياعمري اللي شوشهن طايره ماحد يلتفت يمهن .

12- إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه
حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا
ياخاله نجي نعاونكم
13- في العروس لاترقصين اربضي واقضبي ارضك واعتبري الرقص عيب وشق جيب

14_ اذا جا طاري السوق وطبعا هو لازم يجي الطاري لأنه ملح الجلسة عند الحريم

خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك
مقطعه السوق تقطيع )

(((((((احتمال وارد الحدوث))))))

ممكن تكون العجوز منشنة على بنت غيرك لكن بعد النقاط السابق ذكرها

بتصرف نظر عنك وعنها ؛؛ الحين بتكون العجوز وقعت باالفخ